March 23, 2022
Ka YBSC Shella da yoh ko wow psiah Semi Final ha ka 6th Invitation Wahiajer Football Tournament 2022 wa pynman da ka Wahiajer Sports Club ha Wahiajer hi hadien wa da pynrem ko yaka Seng Samla Pyllongingkhaw FC da ka yachut Tie-Breaker da 4-2.
Ka yalehke hadooh wa kut i por da neh ko mar 1-1 heiwa ya ka Seng Samla Pyllongingkhaw FC da yoh thap kool da u Pyntgen Nongrum ha ka minit wa 44 katwa ya ka YBSC Shella da yoh thap da u Brilliant Chyne haka minit wa 50.
Yei naam Man of the Match da yoh rah da u Adarsh Thapa uwa na ka YBSC Shella wei ya kani ka khusnaam da saam da u Dauni Phawa uwa man leh u General Secretary ka FUTSAL Association of Meghalaya heijooh i por leh u Secretary warim ka Wahiajer Sports Club.
Ka yakhun wa bood u man ko ha 24-03-22 hapyrdi ka Azariah FC pyrchah ya ka Da-I-Hi SC heipor 2:00 waje i sngi.
