Ka 8th Debo Shullai Memorial Trophy 2nd Division Football Tournament 2025 ka West Jaintia District Sports Association (WJDSA) dapoi ko cha ki yalehke Quarter Final kiwa da pynman ar tylli ynne.
Ha ka yalehke wa nyngkong, ka Khliehmyntang Ialong da jop ko ya ka Giovento Mynso da 5-1.
Ya ka Khliehmyntang Ialong da thap kool da u Bryan Pale ha ka minti wa 23 wa 79, u Mebakynsai Pale ha ka minit wa 50 wa u Bachan Pale ha ka minit wa 58 wa 60 katwa ya ka Giovento Mynso da thap da u Dolingstar Syntem ha ka minit wa 80.
Ka yalehke wa ar da jop da ka Lumpyrtuh Mihmyntdu ya ka Dongmihsmgi da 5-3 deiwa yachut Tie-Breaker hadien wa kut ka yalehke da 0-0.
Da ini i jop, ka Khliehmyntang Ialong wa ka Lumpyrtuh Mihmyntdu da yoh ki wow psiah Semi Final.
Discussion about this post