Ka East Jaintia Hills District Football Association (EJHDFA) da pteiñ ko ya ki yalehke Quarter Final ka 2nd Division wa ka 3rd Division ynne ka sngi.
Ha ka 3rd Division, ka yalehke da kut ko da 1-1 hapyrdi ka Moonongtdu SC wa ka Nongthymme SC hadooh wa kut i por.
Ka kylla step da kut ko khlem em wa thap wei chwa u kut i por ha ka minit wa 78, da yoh ka Nongthymme u thap lyngba u Berial Lapasam. Ka Moonongtdu chwa u kut tdot i por da yoh ko u thap ha ka minit wa 80+2 lyngba u Etilast Lyngdoh.
Kamtæ yow yoh ya kiwa jop da pynman dei yachut Tie-Breaker heiwa ka Moonongtdu da jop ko da 3-2.
Ha ka 2nd Division, ka SWO Moosianglamare Old SC da jop ko ya ka Narwan SCSC da 2-0 da ki kool wa thap u Regency Lapasam ha ka minit wa 18 wa u Pyniar Pusein ha ka minit wa 53.
Da ini i jop, ka Moonongtdu SC wa ka SWO Moosianglamare Old SC da yoh ki wow psiah Semi Final wei da ku kyrdan ki leh ha ka samoi wow wan.
Discussion about this post