Ha ka yakhun Quarter Final wa khaddooh ka 1st War Jaiñtia Invitation Football Tournament 2025 wa pynlai da ka Sports and Youth Sub Committee ka seiñ War Jaiñtia Student Union ha ka 3 tarik uni u bnai ha madan Amshipai, Amsohkrut Amlarem, ka Syndai United SC da yoh rah ko yei naam jop deiwa pynrem 1-0 ya ka Nongmadan CC Pynursla Sub-Division.
Ya ka chi kool ka Syndai United da thap da u Refill Syndai ha ka minit wa 78 yow yoh syndon wow psiah Semi Final.
Kattu kani ka lympung yalehke u kaap noh ko cha ka Semi Final, heiwa yakhun Semi wa nyngkong u man ko ha kani ka 7 tarik hapyrdi ka Amlarem Social Club, Amlarem, War Jaiñtia Region pyrchah ya ka Lamyrsiang SC ka Saipung Block Sports Association heipor 2:00 waje i sngi ha kani hi ka jooh ka madan.
Kamtæ da khut kyntu ya phi ki paidbah wow wan kyrchaan ya kani ka lympung yalehbol khnang wa i thmu wa bha ka seiñ u man iwa jop.
Discussion about this post