Khliehriat : Ka HNYF FC toh ka dhab kawa nyngkong kawa da psiah cha ka semifinal ha ka lympung yalehke kawa tip kam ka “1st Woh Kiang Nangbah Memorial Football Tournament 2016″ kawa pyllai da ka Umlyngsha Youth Society & Sports Club, East Jaiñtia Hills Dist Khiehriat ha chnong Umlyngsha.
Ka HNYF da jop ko pyrchah ya ka Thunder FC da 3-1 ha ka yakhun wa da dep man ha kani ka sngi chohthat ha Lumthaiong Playground, Umlyngsha.
Ha ka yalehke waroh arliang ki dhab da yakhun ki katwa ye nadooh wa sdang heiwa ka HNYF da yoh chwa ko u thap ya ka kool wa nyngkong lyngba u Bullet Tamung ha ka minit wa 19 wei ka kylla step da kut ko 1-0.
Hawa ptein ya ka kylla miet ka yalehke da man ko kawa chongchit chooh chooh heiwa neiliang ka Thunder da pyrchang ko neipor cheipor u thap kool tangwa ym em u biang ki wa yalehke khmat yong ka wei da sepai ki kabu ksiar wa yoh ko katwa kamtæ ka HNYF da yoh biang ko u thap sa chi kool ha ka minit 36 lyngba u Heavy Lyngdoh, pynbood sa chikool lyngba u Joy Chullet.
Ka Thunder da yoh ko u thap chi kool ha ka minit 58 kawa chwa wow kut por yalehke. Kani toh katkam ka khubor wa pyllait da u Namphrangmi L Talang Genl. Secy UYSSC.
Discussion about this post