Ka Meghalaya hei sien wa nyngkong da yoh ko wow psiah Semifinal ha ka 76th Men’s National Football Championship ka Santosh Trophy ynne.
Da yoh ko wow psiah Semifinal deiwa jop ya ka West Bengal da 2-1 ha Bhubaneswar hadien wa yoh ka West Bengal wow thap kool nyngkong ha ka Group B.
Ka Meghalaya da jop ko 3 sien, da rem chisien wei da ya Drwan chisien iwa mut da yoh ko 10 Point yow yoh wa ar ha ka Group B hadien ka Services kawa da yoh 13 Point.
Ka Bengal da yoh ko wow thap kool nyngkong ha ka minit wa 36 lyngba u Sougata Hansda tangwa ka Meghalaya da yoh kow wow thap kawi hadien kawi chwa wow kut ka kylla step lyngba u Allen Lyngdoh Nongbri ha ka minit wa 44 wa u Nikelson Bina ha ka minit wa 45+3.
U Bina da yoh u leh yei naam Player of the Match.
Ka Meghalaya kattu daw yachem ko waka Punjab ha ka Semifinal wa daw pyman ha ka 1 tarik u Wisu (Mar) ha Riyadh, Saudi Arabia katwa ka Services won daw yachem ko waka Karnataka haka wi won ka Semifinal.
