February 12, 2020
0 Comments
Jowai: Ynne i janmiet heipor kamwa 4 waje uwi u damok da lai psiah yabor u hei yung ka M. Dhar wa em ha Khimusniang, Jowai wei nalor wada pynsih pynjæd pynpra u yaki dwar heh, ki sainar bordiñ wa kiwi kiwi de, da thang haroh u yei yung sah yong ka, tangwa embhah dei smat ki jan yung da ye wow tympleh yei diñ wa poor.
Uni u bru toh uwa jooh tipmit hi ki, wei da tip pyrtuid ki oo kam u Koran Kharmawlong, da ong leh wa ini ym toh de ka sien nyngkong wa wan u syndet syndet wow pyntieñ pynsmeij yaka yung yong ki.
Katkam ka khubor na kiwa hayung da ong wa heipor wa wan psiah u da rah u deilang ki tiar pynmynsoo wa kynthup ka wait wa u dieñ. Ha ini i por, u khon ka M.Dhar deilang wa u khon ka payu yong ka kiwa em hapoh yung mar ya yoo ki oo phet wot ki chalait yow pyntip yaki jan yung, tangwa du heipor wa tbian uni u bru da yoh u wow thang wei pynsih pynpra deiwa e diñ dei phniang charak, wei da yohlaad u leh wow yut hanlada pyrchang ki wow kdong ya oo leh.
Neiliang ki bor pulit ka Jowai Police Station, ka Fire Emergency Service kamjooh ka R.S. Manner ADC West Jaiñtia Hills District kawa sah marjan cheini i thaw da hiar ki smat wow sakhi yei jia mar ya yoh yutip.
Heiyatoh wa ini, neiliang kiwa hayung hasem ka M. Dhar leh pyn ha kani hi ka janmiet da lai ujor FIR ki pyrchah ya uni u bru.
