Ka Khooid Ya Ka Wah Myntdu da sñiawdiaw bha ko u yoo yei dang pteiñ i chah lehbeiñ ka wah Myntdu ha kini ki sngi wei yeini da chem wa ktieh ka wah ha ka 27 tarik u Naikhynde nei hiar u slap du chibet donhi wei ha ka 23 tarik uni u Naichiphaw wa suba wa em kiwa khloh khyndaw ha Lamynchi, ha khlieh Mupiah hadooh wa da ktieh ka um hadooh ha i thaw wa pynlang um baam um dih ka yung krehkaam u SDO PHE (E) Jowai, kawa saam um cha ki hajar tylli ki yung ha chnong Jowai wa cha ki heh ki haaiñ wa sah ha ki yung sorkar.
Ini i man i long da ktah joor bha ko ya ki pli kiwa duna wa tymbuiñ ki wym yoh u thied um kiwa dang hap chkæh um bait na ka umkor ka PHE wei lada pteiñ bait ini i ñiombor, lehbor daw chah ktah sa i chait i khiah yong ki bru neini i ktieh ka um ha Myntdu.
Ka seiñ da ong ko wa lada ki tre chnong u chah bait ki u leh embor kamni ya ka Myntdu kawa psa um ya waroh, cheiwon booh i yei manbru longbru khamtam manda heh da tymmen neini wa ka pateiñ khon ka pateiñ ksu kiwa daw heh.
Katda kamtæ da kyrpaad joor ko ya u Abhinav Kumar Singh, Deputy Commissioner ka West Jaiñtia Hills District uwa toh u pait ya i bha i miat yow biang ka um ya i ki bru, yow takit bha yeini i lehbeiñ ya ka Myntdu wei wow pynchitom deiwa khor bha katkaam ki aiñ lada chem ya uwon kawon kiwa lehbor, leh khiar ya ka Myntdu yow lait u jinjar ha kini ki bnai tlang wow wan yow yoh um da kawa lait nei lang khyndaw yow pahooh um ka chnong Jowai wa kiwi.
Discussion about this post