Pteiñ i chah tooh ki thuk-thuk ha kylleiñ ka Meghalaya

I chah tooh ki thuk-thuk hapoh ka jylla Meghalaya da pteiñ i ha kylleiñ ki thaw ha uni u bnai wei katkam wa pyntip ki pulit, hei step ka 11 tarik, kiwa chong chnong ka Lawjynriew Nongthymmai, Shillong da yoh ki wow kem ya arngut, kitæ u Roshan Singh (21 snem) wa u Arminder Singh (20 snem) heipor wa dang pyrchang ki wow tooh ya kawi ka thuk-thuk wei da e kti ya ki cha ki pulit.

U Manshailang Surong won da ujor u wa ha ka 10 tarik heipor kamwa 11:30 i miet, ki bru wym tipmit da tooh ki ya ka Scooter u kawa em Number ML-05Z-8190 na Polo, Shillong.

U Aynul Haque Talukdar da ujor u wa ha ka 5 tarik da em ki bru wym tipmit kiwa tooh ya ka thuk-thuk u kawa em Number ML-05Z-9312 na chnong Nongjri wa em ha South West Khasi Hills.

U Pawan Ashok Kamble da ujor u wa ha ka 13 tarik da em wa tooh ya ka thuk-thuk u kawa em Number ML-05Z-1085 wa pynyieñ u hajan ka DHS Office, Laitumkhrah, Shillong.

Related posts

Chi rta phah kset ya uwa na India uwa pynyap pyn ya ka bei ha UK

September 14, 2025

Chah ah khlieh uwa na India ha US hadien wa mih i kajia neidaw ka Washing Machine

September 12, 2025

U Weston Sangma da ujor u wa ha ka 4 tarik da em kiwa tooh ya ka thuk-thuk u wa em Number ML-05AC-5540 na thaw kreh u wa em ha Wonikchiring LP School, South West Khasi Hills.

U Bironjoy Hajong da ujor u wa ha ka 12 tarik da em ki bru wa tooh ya ka thuk-thuk u kawa dang thymme ka wym pu em Number wa booh ha pchem yung wa sah u ha Lower Hawakhana, Tura.

U Stephen Ch Sangma da ujor u wa ha ka 13 tarik heipor 10:30 i step da em wa tooh ya ka thuk-thuk u wa em Number ML-13A-3124 kawa pynyieñ u ha Civil Hospital, Tura.