Jowai : Hadien wa ki police ynnin ka sngi da synran ki ya ki khynnah ka H.K. Singh Memorial School yow pynchlur ya ki yow lai luti ki na ki luti kjet, ynne ka sngi won da pynman da ka “Foot Drill” wa ki khynnah ka Marian Hill HS School heiwa da yah luti ki Police ya ki khynnah yow pynemkaam ya ki Footpath.
Hapoh i yahkhmat u Insp. D.H. Pde wa u S.I. J.I. Wahlang da pynman ya ka yalang ha ka School hei yatoh wa ki aiñ wa yatoh wa ka Traffic wa kamjooh ya ki paidbah wa lai kjet. Da pynkynmoo leh ya ki khynnah wa ym hoi u noh taroi ya ki song bam cha rood sarok wei yow pynemkaam ya ki tin noh jhep (Dustbin).
Heipor 12:30 pyrdi sngi ki Police ka Traffic Branch Jowai da yah luti ki ya ki khynnah kani ka School nadooh na ka skur ki hadooh ha District Library heiwa heini i por ki khynnah leh da yaklam ki wa kiwa chong dai ha ki luti kjet deiwa ong wa lada dap ki luti lai kjet da kiwa chong dai ki khynnah hap lai ki na sarok deilang wa ki kari wei man i iwa maa bha ya ki.
Yeini i sikai ya ki khynnah yow pynemkaam ya ki Footpath daw pteiñ biang ki mynstep ka sngi wa kiwi de ki skur.
Discussion about this post