Ha ka 12 tarik uni u bnai u Chief Forest Officer (CFO) ka JHADC da hiar u cha chnong Saba wa Mooshrot hadien wa mih i kajia ki warep heiyatoh wa i thaw wa em hapyrdi ki ar chnong.
Hadien ini neiliang u CFO da phah u ya ki warep ka chnong Mooshrot wow pynkhooid ya u pood ha ki thaw rep khnang wow suk u sorjamin (Survey) ya kani ka khloo.
Heiyatoh wa ini, neiliang u Assistant Waheh Chnong ka Saba, u Andrias Suchiang da ong u wa ki warep ka chnong Mooshrot dang pteiñ ki wow leh embor ha ini i haw wei ym em mano ki wow pynkhooid ya ini i thaw kamwa da phah u CFO.
Chooh chooh da ong u ini i thaw toh iwa da Register da ka chnong Saba wei ki warep na Mooshrot da tyngkheiñ ki ya ki aiñ deiwa pam khiar ya ki khloo ym kamwa da phah da u sahep ka JHADC.
