15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

T. 6,700 Klur wow pynjanai ya i rukom saam bordiñ ha ka thaaiñ chirup wa ka Meghalaya

Advertisement ad1

Ka Cabinet Committee on Economic Affairs kawa chongknor da u montri rangbahdooh ka ri, u Narendra Modi da pdiang ko ya ka Revised Cost Estimate (RCE) neibynta ka North Eastern Region Power System Improvement Project (NERPSIP) ya kawa da antaad wow kynjoh hadooh T. 6,700 Klur.

Ini daw yarap i wow pynku ya i yoh i la hapoh ka thaaiñ mihsngi (North Eastern Region) deiwa pynkhlan ya ka Intra-State Transmission and Distribution System.

Ya kani ka Scheme u pynkrehkaam da ka POWERGRID, kawa man ka Public Sector Undertaking (PSU) namo ka Company sorkar hapoh ka Ministry of Power chirup wa ki jylla ka thaaiñ wa kynthup ya ka  Assam, Manipur, Meghalaya, Mizoram, Nagaland wa Tripura wei da kyrmen u pynkrehkaam ha u Kmaichonglad (December) 2021.

I thong yong kani ka Project toh i thrang ka sorkar wow pynku ya i yoh i la liang wanang hapoh ka thaaiñ mihsngi wei khamtam ka Intra-State Transmission & Distribution Infrastructure.

Kani ka Scheme daw yarap bha ko ha i rukom pynemkaam bordiñ ha kini ki jylla wei heipor wa pynkreh ya ka daw yoh kreh leh chiboon ngut ha kiwa boon ki bynta.

Ya kani ka Scheme da sdang nadooh u Kmaichonglad 2014 kam ka Central Sector Plan Scheme yong ka Ministry of Power wei da e yarap poisa ya ka da ka World Bank wa na ka sorkar pyrdi deiwa pynlut mar chiteiñ namo ka 50:50.

Share this:
Previous

Pteiñ i leh embor ki warep na Mooshrot ha ka khloo ka chnong Saba

Next

$1 Billion chim ram ka sorkar India na ka NDB hadien u COVID-19