Kam chibynta u pteiñ yei lehkmen dap 25 snem namo ka Silver Jubilee Celebration ka Jowai Presbyterian Higher Secondary School, iwa da sdang nadooh ki bnai wa dadep, ynne i step won da pynman da ka yaphet Marathon kawa da chimbynta nadooh ki khynnah skur deilang wa kiwa sikai skur.
Kani ka Marathon toh kawa pynlai da ka Sports & Entertainment Committee ka Silver Jubilee Celebration wei da sdang yaka heipor 5:30 deiwa wan kaweh lama da u Rev. E. Nongpluh.
Kiwa chimbynta da phet ki lyngbha ka Mission Compound, Chutwakhu, Iawmusiang, Mynthong, Khimusniang, Umchangiar, Loomkyrwiang wei da pynkut ha Mission Compound iwa man i thaw wa sdang.
Kiwa jop man ki kamni ha wah:
Ha ki khynnah chynrang da yoh nyngkong u Daboi Mulieh, wa ar u Pynskhem Lhuid katwa hei wa le da yoh u Da O Biang Pariat.
Ha ki khynnah kynthai da yoh nyngkong ka Refulgency Khynriam, wa ar ka Evakordor Niang wa le won ka Sodala Dkhar.
Na ki chynrang wa man kam kiwa sika skur da yoh nyngkong u Wanlangki Talang katwa hei wa ar won da yoh u Shaniah Hua.
Na ki kynthai won kiwa man kam kiwa sikai da yoh nyngkong ka Vanessa Kyndait, hei wa ar ka Rida Laloo katwa hei wa le da yoh ka Nisakawi Blah.
Discussion about this post