15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Pteiñ i ood i thai ki sur Baamphalar ha Jowai

0 Comments

Jowai: Kamwa da yatiplang wa ka Baamphalar toh kawi na ki rukom dustur lehkmen lehsñiawbha yong ki kattu katni tylli ki dong wa em ha chnong Jowai, kamtæ ha ka luti wa yah wa tyoor ki manchwa, ka dorbar chnong Chilliangraij leh ha kani ka tayaw da pyndep ko ya kani ka rukom dustur ha Yungwalieh hapyrdi i wan yachimbynta ki khon ka chnong ka chnat wa ki lok ki jor wow sakhi yei lehke Drama.

Da sakhi ya kani ka Baamphalar ha ka miet nyngkong 30 tarik sngi Hat, chwa wow yoh u yoo, u tip yei parom da em ka yalang yahkhmat wa tbian hei pynlai u D. Pde heiwa dawan sakhilang da u A. Andrew Chullai, MDC, JHADC kam u kongsan. 

Advertisement ad1

Ka Drama kawa da leh ha ka miet nyngkong toh kawa pyrtuid U Syiem Khatduh ka Ri-Jaiñtia heiwa da leh ya kani ka drama chibynta ka dak i kynmoo warom yow Tynrawade Waheh Khroo Dkhar wa man uwa thoh ya kani ka Drama wei uwi na ki waheh wasian wa ka-it u chimbynta ha ki Drama heipor Baamphalar katwa heini i por won da pynkynmoo ya kani ka Drama da u K.C. Roy Pde wa u Khroo Shylla katkam i booh ha i thoh i tar (Record) u tynrawde Mathias Passah.

Ha ka miet wa ar won yong kani ka Baamphalar ka drama wa pyrtuid Umkhmat da thoh wei pyntoh pyntne da u khynroo Manda-O Rngad wa u Mithiang Sungoh. Heiwa ka parom ha lyndet kani ka Drama toh kawa e i sneiñ wei kyrsu kyntu wa kam ki bru ymhoi u man kiwa em i sñiaw yaphær lada em i heiwon heiwon i dur lada yoh næ dooh.

Previous
Next

0 Comments

Leave a Reply