15 49.0138 8.38624 1 0 4000 1 https://wyrta.com 300 0

Pteiñ i thung dieñ ki wakreh Muster Roll wa Mid Day Meal, da thung 2100 tylli ki tre dieñ

0 Comments

Jowai: Ka All Jaiñtia Muster Roll Workers & Labour Union wa ka All Jaiñtia Mid Day Meal Workers Union, (CEC) Jowai hapoh i pyllai u K.L. Pariat President ka seiñ, deilang wa i ya krehlang wa ka Officer In-charge ka NCC wa ka Principal ka Jowai Govt Girls Higher Secondary School, ha i ya emlang wa u E.M.H. Passah uwi na kiwa chong chnong ka Jowai uwa em i kitkhlieh ya ka bei rymaw, ha ka 05-06-19 ka sngi World Environment Day, da dep thung ki kamwa arspah tylli ki tre dieñ ha pchem ka School wa harood ka Syiem Myntdu ha ka thaw wa ban ka PHE ya ka umbam umdih cha Jowai, kamjooh kamwa 300 tre ki dieñ da dep thung ha Mukhla, Amlarem, Khliehriat wa ki chnong wa yajan wa ki.

Kamtæ, ka seiñ yow dang pynpsiah chooh choh ya i emkaam i kitkhlieh lang ya ka bei rymaw wa u thung chiboon ki tre dieñ kamwa da pynchlur u Conrad K Sangma Chief Minister ka jylla, tæ ka seiñ ha ka 14-06-2019, da pynman ko ya ka Dorbar ha Yung Walieh ka dorbar chnong Dulong hapoh i yahkhmat u K.L. Pariat President ka seiñ, yow sdang ya ka phang “One Muster Roll Workers and One MDM Cook , One Tree” ha kawa u E.M.H Passah uwi na ki chong chnong ka Jowai, uwa em i kitkhlieh yow thung chiboon tylli ki tre dieñ ha ka bei rymaw, ha i sakhilang u M. Bareh u Waheh Chnong ka dorbar chnong Dulong, u Dawanpoi Passah u Deputy Ranger ka chnat Forest ka JHADC chirup i emlang u S. Lato wa u R. Nanghuloo uwi na ki waheh ka chnong da ya samlang ki ya ki 900 tylli ki tre dieñ cha kiwa kitkaam ka seiñ na ki chnat Amlarem, Thadlaskeiñ, Khliehriat, Laskein wa cha kiwa kitkaam ka All Jaiñtia Mid Day Meal Workers Union Jowai wa cha ki wakreh Muster Roll wa ki MDM Cook.

Advertisement ad1

Hadien won da ya thung ki 15 tylli ki tre dieñ ha ka thaw yaleh ke ki khynnah harood ka madan Dulong. Ha kani ka phang, ki wakreh Muster Roll wa ki MDM Cook ym du wow thung wei u sumaar ki ya kini ki dieñ ha jar jiar ki thaw kreh ki yong ki, ha kawa neiliang ka seiñ daw e burom ko mynried snem ya kiwa ye u sumaar u pynheh pynsan ya ki chitre ki dieñ kiwa thung ki ha ki thaw kreh kaam harood yung chet ja wa ha ki surok, ki pchem wa kreh ki.

Ya kani ka thung dieñ ka seiñ daw pteiñ ko u thung dieñ ha kiwa boon ki chnong ha East Jaiñtia District wa ha ki chnong kiwa em ha West Jaiñtia ha kini ki sngi kiwa daw wan. Kamwa man hadooh kani ka sngi ka 15-06-19 ka seiñ da dep thung ko 2100 tylli ki tre dieñ kiwa em hadooh san jait ki dieñ wa ki dieñ soh.

Advertisement ad1

0 Comments

Leave a Reply