Kam chibynta wow pteiñ yei yakhun pyrchah ya ka khlam u COVID-19, ka Hynniewtrep Youths’ Council (HYC) Upper Shillong Circle ynnin i miet ha ka sien wa ar da lai siat dawai biang ko ha ki thaw wa man yaw ha ka thaaiñ Lummawbah, Nongkseh, Kynton, Umlyngka, 3mer wa 3mer chiteiñ.
Ya ini i siat dawai da sdang heipor 9:00 i miet hadien wa da khang lut ki dukan hei emlang ki Volunteer na ka Covid Committee Team yong kini ki chnong kiwa da synraan lang ya ki dkhot ka seiñ.
Uwi na kiwa yahkhmat ya ka Covid Committee Team ka Dorbar Shnong Nongkseh, u Bakyrshanskhem Thangkhiew da ekhublei u ya ka seiñ wa ki kaam yong ka wa da leh ko neibynta ki paidbah.
Neiliang u Gee Mawlong uwa man u Secretary ka HYC Upper Shillong da ong u wa ini i leh ka seiñ man i leh hadien wa da sakhi yei poor smat uni u khñiang uwa da sdang ktah bha ya ka jylla.
