theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pteiñ ka Project Hariyali ka Rotary Club wow yada rymaw deiwa thung dieñ

Ka Project Hariyali yong ka Rotary Club neibynta u yada rymaw deiwa thung dieñ kawa da sdang ynnin u snem 2021, ha uni u snem leh ka Rotary Club Jowai waka Rotary Club Orchid City Shillong da pteiñ biang ki ya kani ka Project, kamtæ ynne ka sngi chirup i yakrehlang waka dorbar chnong Khliehtyrchi, WJH da pynman ki yei thung dieñ ha ki le tylli ki skur yong kani ka chnong wa kynthup ha Lumpohsiej L.P. School, ha Lumpyrdi SSA School wa ha Lumstoin SSA School.

Ya kani ka Project da yoh yarap ki naka Mahindra Finance wei ha uni u snem ki 300 tylli ki tre dieñ wada pynkhreh toh ki dieñ soh suda.

Advertisement ad1

Hadieñ i thung dieñ haka yalang tbian wa pynlai da u Rtn. Samehi Laloo, President Rotary Club Jowai, neiliang u Vivek Kumar, Environment Scientists, North Eastern Hills University ong u wa i thung dieñ wym mut wa pynmyntoi du ya samen tangwa ya waroh ki jait wa im haka pyrthai, neibhah lyngba ki dieñ yoh i yaka la-ær, ki baam wa ya chiboon kiwi won i emkaam u bru, heijooh i por leh i em ki dieñ yarap ki wow nang pynboon ki jait wa im.

Kamtæ da ban joor u hajrong i kaamram yong waroh kiwa im haka pyrthai wa hawa chim i iwon iwon naka rymaw toh u pynuiñ kylla i neibynta i myntoi yong i hi.

Lyngba kani ka Project ong u wa i angnood hi wym wow mylliñ hadien wa dep thung tangwa u sumaar pynheh yaki, wei u chim leh ya ki dieñ kam ki dkhot yong ka skur næ ki dkhot ka yung ka sem neibhah hadien daw yarap kylla ki ya i.

Kiwi won wa e i klam da kyntu kyrsu wei yaroh ki ya kani ka Project thung dieñ wa kynthup ya u Dr. Vincent H. Darlong, Retired Vice Chancellor ka Martin Luther Christian University, ka Rtn. E.F. Gatphoh (MPHF), Charter President Rotary Club Jowai, u Rtn. SK Lato MPHF Director Community Service Rotary Club Jowai, u Waheh Chnong ka Khliehtyrchi u Kitbok Rymbai wa kiwi.

Advertisement ad1
Share this:
Previous

Sa ha ka aiñ POCSO chah pynngat u Bernard hadien wa chem wa chah slaitbor uwi u khynnah

Next

Da toh pynhaap ya kawi ka snieh-poisa