Ka Ramkrishna Mission, Sohra da pteiñ ko wow e yarap cha ki manyung wa emkaam yarap ha ka chnong Thadmuthlong ryngkat wa ki jan chnong nadooh ka chnong Rashai, Tuberkmaishnong, Jalyiah, Khliehmyntriang, hei emlang chirup ki waheh wa sian yong kani ka chnong.
Da yoh yei sneiñ kyntu na u Waheh Chnong ka Thadmuthlong C Phramer, u Yowanphi Lyngdoh uwa da dap dei sñiawngooh ya ka Ramakrishna Mission Sohra wa da ye biang ko wow e yarap ya ki man-i-por khamtam ha ki por wa dadep, ha ini i e yrap da ksohkti lang wa ka Seiñ Raij Muthlong.
Da yoh leh yei klam na ka President yong ka Seiñmanbei, ka Iorica Suchiang kawa da ong leh wa emkaam u man kiwa leh khooid leh jngiar wei kheiñkor ya ki that ki sula wa da e yarap.
U Manbha Lyngdoh uwa da embynta ha ini i e yarap da ong u wa i chakri para bru toh i chakri ya u Blai khamtam ya kiwa lymboit lymbiang wei ka Ramakrishna Mission Sohra daw pteiñ biang ko ya i e yarap cha ki chnong waphær waphær.
Neiliang yong ka Seiñraij Muthlong da ekhublei kyrpang ko ya u Manbha Lyngdoh, khamtam ya u Secretary ka Ramakrishna Mission Sohra.
Ha kani ka sngi da yoh yarap kamwa 800 tam ngut ki chynrang wa kynthai da ki sula, ki that, da yoh leh kamwa 2 kylliang ki patlun, ki sula kam ki sulapoh, miej, sweater wa kiwi kiwi mar samen.
