15 49.0138 8.38624 1 0 4000 1 https://wyrta.com 300 0
Advertisement ad1

Pyllait dakha ka Tuber Kmaishnong ha wah Myntdu, da khang leh wow khwe dakha

0 Comments
Advertisement ad1
Advertisement ad1
Advertisement ad1
Advertisement ad1

Jowai: Ka chnong Tuber Kmaishnong kawa em ha East Jaiñtia Hills lyngba i yah luti u waheh chnong u Jiedlang Sana, u Secretary u Micky Lyngdoh Deiliang waki dkhot chnong, ynne i step ka 23 tarik da lai pyllait ki yaki symbe dakha haka wah Myntdu kawa em hapoh ka thaaiñ ka chnong Tuber kam ka dak wa burom ko yaki doh um doh wah kiwa em soodong sookun yong ka chnong Tuber.

Da yoh ya i e sñiawbha kamwa 1 Quintal naki VDP chnong lyngba u President u Kmenlang Dkhar wa u Secretary u Pynshngain Phawa, naka dong Wahshnong Club lyngba ka yahluti u Chairman dong u Jermon Phawa kamwa 1 Quintal, wei da yoh na u Chairman chnong u Embi Sana kamwa 1 Quintal kawa man waroh 3 Quintal ki symbe dakha.

Advertisement ad1

I pyllait ya kini ki symbe dakha man ko kawa chongchit chongkun wei da yoh ya ki kyntien sneiñ kyntien khroo na u waheh chnong kamjooh leh da booh u yaki pyntip waki maham cha waroh ki lok ki jor, ki kha ki man, ki para jan chnong jan thaw wa nadooh ynne ka sngi wa wymhoi de u khwe ha ini i thaw kawa e pyrtuid ka Lynter Spain wa u ye won u khwe hadooh wada pynbna biang daka chnong donhi, wei lada em kiwa leh pyrchah, ka chnong u leh ko kat kam ka aiñ.

Heijooh i por leh da pynkynmoo u wa ka chnong da khang pyrchah ko wymhoi u siat yaki mrad ki mriang kiwa em soodong sookun yong ka chnong Tuber, wei katkam wa man katni hadooh katwon wa yoosuk u pait wa ki mrad ki mriang da ya baam phlang lang ki chirup waki masi ki blang khamtam ki skai.

Kawa khaddooh ka chnong Tuber Kmaishnong booh ko ka kyrpaad yaki para jan chnong jan thaw u sñiawbha u chim ki ya kani ka luti khnang u man kani ka kaam kawa jop.

Ini toh katkam ka khubor wa da phah da uwa e buit ka VDP ka chnong u Wanthmu Phawa.

Advertisement ad1
Advertisement ad1

0 Comments

Leave a Reply