Pyllait im ki khynro ka Dawki ya soo ngut ki bru hadien wa kylla ka lieñ ha wah Mynngot

Jowai: Ynne ka sngi heipor kamwa 11:00 waje i sngi kawi ka lieñ wa kit ya soo ngut kiwa uiñke sawari na Jharkhand da kylla ko ha ka wah Mynngot ha Dawki.

Ya kini ki soo ngut da tip kam ka Gumarti  Subramani (45 snem), ka Bala Subramani (48 snem), u Bal Subramani (47 snem) wa u Gurmeet Subramani (49 snem).

Da ong wa kini ki soo ngut da lai ki cha Dawki wei da chong ki ha kawi ka lieñ wa jooh kit ya kiwa uiñke sawari wei manda poi hapyrdi kani ka wah da kylla kani ka lieñ chirup wa uwa kiñ ya ka.

Kini ki soo ngut da sap ki ya ki Life-jacket wei mar jia ini da wan chwa ki bru na ka chnong wow yarap ya ki kiwa kynthup ya u Meaili Pohti (35 snem), u Gines Bareh (23 snem), u Ibaneh Shkem (23 snem), u Lorshai Pynrope (46 snem) wa u Benus Suchiang.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ini i smat kini ki bru da ye u pyllait ya kiwa ngam na ka um wa wan syndet.

Neiliang u SDPO Amlarem u Jason Mairom da yachem u ya kini ki soo ngut kiwa uiñke sawari kiwa da ekhublei leh ya ki khynnah ka Dawki kiwa da pyllait ya ki na kani ka Wah.

Dei langær ki pulit jooh sneiñ ki wei da kyntu ki wa ki wa uiñke sawari emkaam wow sap Life-jacket ki hawa chong lieñ ki ha kani ka wah.