Jowai : Ki dkhot ka Jaintia National Union (JNU) wa kynthup ya u President, u Secretary wa uwi u dkhot ka seiñ ynnin ka 20 tarik da chah pynbad chohnoh ki ha ka chnong Nartiang.
Ini da jia hadien wa ka seiñ dang pyrchang ko u kem ya ki bru wa dai wa kiwa thied drugs ha Nartiang.
Ki dkhot ka JNU da suba ki bru wa toh ki chohnoh hadien wa yoo phylla ki paidbah wa uiñ ki cha wah cha neiñ heipor wa thooh ki ya kini kiwa dai drugs wa kiwa thied drugs.
Ki paidbah da ksoh ki ya kini ki 3 ngut ki dkhot ka JNU wei da yoh ki leh u pyntakha ya ka kari yong ki.
Kini ki leh ngut embhah ki wa wan smat ki pulit kiwa da pyllait ya ki na ki paidbah. Chwa u ye ki pulit u pyllait ya ki, ki pulit leh da chah maham ki ha ki paidbah wa yarap ki ya ki chohnoh.
Discussion about this post