Jowai : Ha kani ka 19 tarik wa dep ki 6 ngut chi lok ki wa sah ha Mynthong, Jowai da lai ke ki da kawi ka kari ka Sumo cha ka kchaaid Tyrchi heipor 12:30 i sngi.
Hadien wa dep ki u peitkeya ka ya kchaaid heipor 12:50 i sngi da uiñ biang ki cha i thaw booh kari wei da chem ki wa da wiar ka spare tyre, ka tape, ka speaker wa kiwi kiwi ki tiar pynriam napoh kari.
Kamtæ kini ki chi lok da ieh ki ya kani ka sumo heijooh i thaw wei da lai ujor (FIR) ki cha ki pulit ha Jowai.
Heipor janmiet kini ki chi lok da lai biang ki cha i thaw wa em ka Sumo wa ieh ki yow rieh ki chajan hei thmu wow yoh u kem lada dang em biang kiwa tooh na ka sumo ki.
Heini i por ki tre chnong wa yoo yeini da suba ki wa wan chohnoh ki cha ka chnong ki wei da mih leh dei yong chnong u kem ya ki.
Embhah kini ki chi lok wa smat ki u phone pulit kiwa da wan smat wow pyllait ya ki na ki kti ki tre kiwa da pynbad chohnoh ya ki.
Discussion about this post