Pyllait paidbah ka KHNAM ya ka kot chaphang ka thong krehkaam yong ka

Shillong: Ka seiñ Khun Hynniewtrep National Awakening Movement (KHNAM) ynne ka sngi da pyllait paidbah ko ya ka kot ‘Vision Document’ yong ka kawa thoh chaphang ki thong yong ka kam ka seiñ saiñ hima, wow kreh neibynta ka jaitbru.

Ki mat wa ka KHNAM da booh thong ko wow yakhun kynthup ki ya i hiar dor ki kaam saiñ hima, i psiah tooh ki baar jylla, wow yaleh neibynta ka Inner Line Premit (ILP), i wym biang u pood u ang wa ka Assam kamjooh leh wa ka Bangladesh, ki policy krehkaam, ki kaam uiñ suwari, i puræ puthi, i chait i khiah wa kiwi kiwi.

Ha kani ka sngi da wai leh ya ka yungkrehkaam wa thymme yong ka seiñ da u Gen. Secy., u Batkupar Wahlang wa ya ka Vision Document da pyllait da u Chief Adviser, u THS Bonney hei emlang ki dkhot ka seiñ wa kiwi neibynta ka Election 2018.

Hei e klam ha kani ka sngi u working president ka KHNAM u uwa man leh u MDC ka Jaiaw, u Adelbert Nongrum ong u wa ka KHNAM da kha na ka Khasi Student Union hapoh i yahkhmat u Paul Lyngdoh.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

U Adelbert da ong u wa i kha ya ka KHNAM toh hadien wa kiwi ki seiñ saiñ hima kiwa kam wow yada ya ka Ynñiawtrep man ki kiwa da tlot.

Da pynkynmoo u leh ya kiwa chong chnong kiwa kwah u psiah cha ka party toh u sñiaw ki ya ka jaitbru ym ya i myntoi samen.