Ka Jaintia Students’ Union (JSU) da pyn-eh-daw pyn-eh-nasib ko ya ki khynnah puræ ka jylla khamtam ya ki paradoh parasnaam kiwa daw thoh yaka SSLC wa HSSLC yong uni u snem 2024.
Ka seiñ lyngba kani ka kyrwoh da phah ko yaka khubor cha ki khon khynroo khyllood wow lehbha ki ha ki Exam yong ki neibhah ka SSLC wa HSSLC toh kiwa emkaam tam hei rta yong ki wa wai laad ki wow nang pteiñ chooh chooh yei puræ puthi waphær waphær chakhmat.
“Lada kheiñ stiñ wei leh stiñ ya kini ki ar tylli ki tylli ki Exam ye i wow sihlet hadien wei lada lehbha i, ka mynreid wa tyrchaaiñ da yang ko ya kitu kiwa lehbha,” da ong ka seiñ.
Kamtæ ka seiñ da kyntu ko ya ki khynnah khynroo yong i wow minot ki khop wei wow pynlai yumut chwa ha ki kot ki sla yow ye u thoh bha yaka Exam SSLC wa HSSLC wei ymtoh wow pynlut yei por ha ki kaam ke yow lait u sihlet hadien habood.
Discussion about this post