March 22, 2022
Ka Khasi Students’ Union (KSU) Narpuh Circle lyngba ka Education Cell da phah ko ya ka kyrwoh pyn-ehdaw, pyn-ehnasib ya waroh ki chynrang wa kynthai ka thaaiñ Narpuh yow yoh ki yei chait i khiah yow yoh ki u chimbynta u thoh ya ka Exam SSLC kawa daw pynman ha ka 24 tarik wa ka HSSLC kawa daw pynman ha ka 25 tarik uni u bnai.
Ka seiñ da kitbok kitrwiang ko ya phi wow ye phi u thoh bha ha waroh ki Subject wei da kyrmen wow yoh phi ya u khait ya u soh i jop deiwa kreh minot yong phi.
“To minot khop ha ka puræ puthi deiwa e ngooh ya u Blai wa booh wa thaw yow yoh phi yei chait i khai,” pynkut ka kyrwoh naka seiñ.
