I pynemkaam drugs toh iwa dang joor kat dang lai ki sngi kamjooh leh kiwa pynemkaam khamtam ha Shillong heiwa da Inject drugs cha ki thaw paidbah.
Yeini da sakhi leh lyngba iwi i Video wa da em wa yoh u riñ ya ki arngut kiwa da chong ha rood sarok hakhmat iwi i dukan wa khang ha Polo hajan ka Green Hills Restaurant heiwa kiwa riñ yeini da kam ki wa ini toh ynne i step.
Kini ki ar ngut ym tieñ næ rieh ki hawa leh yeini tangwa da kyruiñ donhi ki dei dein cha u sarok kamjooh ya ki paidbah wa lai wa wan.
Ini i Video da yoh i leh wow riñ yeiwa sai thyrnia ki kamjooh i kdoh yei kti yow chem thied yow Inject yei drugs.
I thma pyrchah yei drugs da pynbna leh da ka sorkar wei ini wa dep dadep pynman yei yachem wa ki heh chnong wa pynlai chnong kamjooh ki chnat sorkar yow pynkrehkaam ya ka DREAM.
U Montri ka chnat Social Welfare ka jylla, u Paul Lyngdoh da pyntip u leh wa kiwa pynemkaam drugs hapoh ka jylla em ki kamwa 2 lak chiteiñ ngut.
Discussion about this post