Ka Khasi Students’ Union (KSU) Jowai Unit ynnin ka 16 tarik da yoh ko wow lai kynreh ya ki baar jylla kiwa wan kamai wan khayi ha Iawmusiang, Jowai wei ka seiñ da chem ko wa kini toh ki wym em ya kiwon kiwon ki kot ki sla kamwa toh u pynbiang ki.
Ka seiñ da ong ko wa kini kiwa wan dai ya ki mar yong ki da chongdai ki ha ki luti lai kjat wot hadooh ha sarok leh pyn hakhmat ka yung krehkaam ka JHADC kawa da em i kitkhlieh wow pait ya kini ki jait kaam wa yatoh wa i khayi pateiñ da ki baar jylla.
Ini i leh laitlan kini ki baar jylla da pynchrai ko ya ka seiñ kawa da beh syndon ya kini wei da maham leh wym toh de u wan ki cha kani ka yaaw neibhah kani toh ka yaaw wa kyntang wei lada dang wan ki daw ktah ko ya ki tre chnong tre thaw.
Ha kani ka sngi neiliang ka KSU Jowai Unit da lai yachem ko leh markhmat wa ki bor wa toh u pait ya ini da ka District Council, heiwa da kyntu joor ya ki wow pynman ki yei kynreh ya ki kot ki sla neipor cheipor ya ki baar jylla kiwa wan kamai pyrchah aiñ hapoh u pood u ang ka JHADC.
