May 17, 2023
U DGP ka Assam, u GP Singh da e por u 3 bnai ya ki pulit ka Assam wow pynduna noh yei sngaid ki katkam ka hukum wa da pynmih da ka yung krehaam u Montri Rangbah ka jylla yow man ki pulit kiwa chait wa khiah.
Yeini u leh deiwa kheiñ noh da ka Body Mass Index (BMI) iwa kheiñ katwon khia katkam i jrong u bru.
Kani ka hukum kynthup ko ya waroh nadooh ki IPS wa ki APS ka Assam wei hadien 3 bnai itæ hadooh ka 15-08-23 lada ym hiar i sngaid kiwa dang em bait ya ka BMI kawa 30+ daw e por ya ki hadooh wa kut u Khonchonglad (Nov).
Lada hadien ini leh ym duna i sngiad, daw phah chong ngiah noh ki deiwa chim ya ka Voluntary Retirement Scheme (VRS).
U GP Singh da pyntip u wa ha ka 16-08-23 daw kheiñ nyngkong dooh ya ka BMI yong oo.
Kam wow kdaw heini, u Montri Rangbah ka Assam, u Himanta Biswa Sarma ha u 30-04-23, da pynbna u wa ki pulit wa myllien u dih kiad, kiwa sngaid wa kiwa em ki mukotduma pyrchah ya ki wa baam poisa toh u phah chong ngiah noh ki.
Katkam wa ong u Sarma, em kamwa 300 ngut ki pulit ka jylla kiwa khlan dih kiad iwa da ktah yei doh i pran yong ki wei ya kam kini toh u e laad noh u chong ngiah ki.
