Uwa yaleh RTI wa tip kam u Disparsing Rani da pyntip u wa katkam ka RTI wa da yoh u, ka sorkar India da pynlait ko Rs. 541 klur ya ka Scheme kreh 100 sngi neibynta ka jylla Meghalaya ha u snem 2024-25.
Hawa khana ynne ka sngi, u Disparsing da ong u wa da paan pynche hadien wa ki paidbah da ood da naam ki yei sahteiñ ka poisa.
Heijooh i por da ong u wa da em boon kiwi ki RTI kiwa da paan u tangwa ym e jubab ki PIO wei da booh por chi bnai yow pynbiang ki ya ka kuna kawa Rs. 200 man-ka-sngi wa pynslem ki wei lada ym leh ki daw lai ujor cha u CIC pyrchah ya kini ki PIO khamtam neibynta ka RTI hajrong i thmu wow chna ya ka Stadium ha Kynshi, Eastern West Khasi Hills.
Hajrong ka RTI ha NEIGRIHMS kawa yatoh wa ka Trading License, u Disparsing da ong wa em ki baar jylla kiwa kreh kaam Contractor wei da kyntu ya ka District Council wow leh yeiwa emkaam hajrong ini.
Heijooh i por da kyntu u ya ka District Council wow lai pait ya ki tre dukan kiwa leh Benami, wei yow tip yei mantre da ki baar jylla toh deiwa pait ya ka Online Payment kam ka Gpay, PhonePe heiwa i pyrtuid dukan toh hei pyrtuid Khasi tangwa manda su poisa da lai cha i pyrtuid ki bru na baar jylla wei ini daw yarap wow chem ya kiwa leh Benami.
Chooh chooh u Disparsing da pdiang u leh yeiwa pynbaad ki Contractor ka Ri-Bhoi wa yoh kreh du ki bru kiwa emyatoh wa ka sorkar wei katkam ka RTI da chem wa du nei rukom khut Tender heiwa da dai ya ka Tender ar sngi wei da em chwa kiwa lai pynhaap moo chwa wow lut ka Tender wei manda pynyoo u ya ka RTI cha ki Contractor da ong ki wa da yoh du da kiwa emyatoh wa ka NPP.
Wei oo leh uwa man kam u Contractor da jooh thap kreh u tangwa ym jooh yoh u neidaw wym em bru Politics u wei ym bien u leh wow biah phniang yei kti u Engineer.
Discussion about this post