Pynbaad ka JSM wa dai syad dor ka Nartiang Cooperative Society yaki sboh, ki symbe rep

Hadien wa ujor boon ki paidbah ka thaaiñ khamtam ki warep wariang ka thaaiñ Nartiang wa ku dor ki sboh, ki dawai, ki symbe wa dai haka Nartiang Elaka Cooperative Society Ltd., neiliang ka JSM Nartiang Circle hei yahkhmat u President u Head Phalangki waki dkhot da yohlaad ki u yachem waka wa dai kani kani ka Society.

Ha i yachem, neiliang ka seiñ da kylli ko wa neiyi i daw syad ki dawai sboh, ki dawai jhoor wa kiwi kiwi wa dai ka Society kawa ym toh i dukan damen næ i dukan mahajon, neiliang ka tre dukan da ong ko wa syad thied ko naki dukan mahajon wei ini toh i daw.

Hadien wa takit chooh chooh, neiliang ka seiñ deiwa pynyoo wa i Slip wa em kiwa thied Urea heidor T. 20 chi kilo heiwa ha chwa ini, i dor toh wa dai toh T.12 lane T.15 chi kilo tangwa da phylla wa ha kani ka Society da dai hadooh T.20 chi kilo.

Katkam wa tip ka seiñ, ka Society toh u yarap ko chiboon ya kiwa chong chnong khamtam kiwa dooh wa duk, wei ymtoh u ya nujor wa kiwa dai samen næ ki mahajon.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hajrong ini, ka sei da maham ko ya kani ka Society wa ym hoi u dai tam yei dor wada booh ka sorkar wei ym hoi u kheiñ biej yaki pli ki warep wei lada dang dai syad ko, neiliang ka seiñ daw ujor ko ya kani ka Society wei yaka Registration Number yong ka cha kiwa toh u pait khnang wa ki paidbah yow yoh ki yei hok yong ki neini chakhmat da ong u President ka seiñ.