Pynbaad ka KHNAM wa thung kreh deiwa Phone donhi hapoh ka Secretariat

Ka Khun Hynñiewtrep National Awakening Movement (KHNAM) da dawa ko na ka sorkar wow pynbait noh yei thung kreh wei beh kreh katwa ngait ha ka Secretariat Administration Department (SAD), wei da dawa leh wow pyndap noh ya ki kreh wa lait deiwa khut Advertisement ym wow thung kreh wei su bai nong sngi ya kiwa kreh Casual wei da dawa leh wow kyrriah noh ya u Nazir wa katni ka SAD.

Ynne ka sngi ka KHNAM da lai e dorkhat ko ha u Minister ka SAD, u Sosthenes Sohtun hajrong ka RTI wa yoh heiyatoh wa i thung wei beh ya kiwa kreh Casual.

U Working President ka KHNAM, u Thomas Passah da pynbaad u wa i thung kreh da ka SAD da man iwa bakla neibhah wot ya kiwa da kreh la 10 snem leh da chah beh ki neidaw wa pynman yakhih pyrchah ya ka sorkar.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026

Da ong u wa katkam ka RTI, em kamwa 300 ngut kiwa kreh Casual ha Secretariat wei na kini 10 ngut toh ki wym jooh chah pynsangeh kreh katwa kiwi won kreh ki katkam i chah khut du lyngba ka Phone wei da pynkreh du 2-3 bnai neitæ da khut won da kiwi neibynta 2-3 bnai hi.

U Thomas da beiñ u leh ya ka sorkar hajrong i pyndam kreh ya kiwa da kreh slem khlem pyrkhat de kammon u pynbiang ki ya ka yung ka sem wei da beiñ u leh ya u Nazir uwa thung kreh ya ki bru yong oo hi.