Kawi ka bru da pynbaad ko wa u Thomas A. Sangma, MLA ka North Tura da slaitbor u ka boonsien ha yung wa sah ko wa ha ka Hotel Magnum, Shillong.
Ha ka FIR wa da e ha u SP ka East Khasi Hills da ong wa u MLA da slaitbor u ka nadooh u Duyatra (Jan) 2020 hadooh ka 17-04-21 deiwa kular wow bia ka.
I sien wa nyngkong wa da slaitbor u ka katkam wa da thoh ha ka FIR toh ha Hotel Magnum, Shillong heiwa ha katai ka sngi kawa e FIR da ong ko da e Wine u ya ka wei da pynlut por kattu katni kynta wow dih Wine wei hadien wa dih ya ini i Wine da synthiah ko wei da wiar yong bru ko wei heini i por u MLA da looid sula u ka wei da slaitbor u ka.
Tangwa neidaw wa maham u ka ym em e ko ya ka FIR wei neidaw wa kular u leh wow bia wei wow sumaar ya ka.
Hadien ini da ong ko wa da pynbiej u ka deiwa ong wa daw ieh noh u ka ka kurim u yow bia noh wa ka katkam ka aiñ, wei deiwa chaniah ya ini, da pteiñ ko wow thiah wa oo deiwa lai cha ki Hotel wei da em ki por ha i yung wai wa sah ko.
Katni da ong ko wa da punkhon ko tangwa da pynbor u ka wow phah pynhap yei khon ko.
Da ong leh wa u MLA da sah u wa ka hadooh ka 17-04-21 heiwa ha kani ka sngi da ong u wa daw yalait noh u wa ka kurim u yow bia noh wa ka tangwa hadien ini ym em de wan biang u.
Da khana ko leh wa em ko ki sabut wow pynsakhiat ya ini waroh wei da dep ko wow e FIR nachwa tangwa da pyndam ko ka neidaw wym em man ko kawa chait wa khiah wei da chitom leh i pyrkhat pyrdaiñ hadien wa phone ma phone u MLA ka deiwa maham ka leh lada ym pyndam ko ya ka FIR.
Tangwa katni da man ko kawa khlan hei bor pyrkhat wei da wan ko chakhmat wow e ya ka FIR.
