Pynbaad ki MDC ka Congress wa tyngkheiñ ka KHADC ya ki kyndon ka NITI Aayog deiwa pynlut ya ka poisa cha ki kaam uiñke suwari

Shillong: Ki MDC ka Congress haka KHADC da kam ki wa ka Executive Committee da tyngkheiñ ko ya ki kyndon ka NITI Aayog deiwa kdaw yei chna ya ka thaw sah (Resort) waka yingkeiñ haka thaw wa tip kam ka Kalong Bridge, Umiam neibynta ka uiñke suwari.

U Ronnie Lyngdoh da ong u wa ki kyndon kamjooh ka Grant wa yoh wow kreh toh man ko wow pynkhlan, wow kyrchaan, wow pynyooh yeiwa emkaam ki bru kam wow pynbiang ya ka um dih, ki dooid, ki paikhana, u pynbiang ya ki luti lai kjat, ki Street Light, ki thaw tlep-bru, ki thaw thang bru katkam wa da phah cha ki jar jiar ki sorkar jylla.

“Waroh ki kaam wa pynkreh daka District Council man ko chawa palat ki kyndon ka NITI Aayog,” da ong u Lyngdoh.

Heiyatoh wa ini ki MDC ka Congress da rai ki wow thoh chaka NITI Aayog yow kdaw ya kini ki kyndon wa da chah tyngkheiñ.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Ha iwi tawon i liang u CEM ka KHADC u Teiñwell Dkhar da ong u wa dang em boon ki kaam waka District Council dang pynkreh ko wei i kreh dang lai i chakhmat.

Kam wow pynkynmoo wa yaka NITI Aayog kawa da seiñ ha u snem 2015 daka sorkar NDA toh wow pynkylla dur ya ka ri deiwa pynwair noh ya ka Plannning Commission yow wanrah yei kylla hapoh ka ri deiwa krehlang ka sorkar pyrdi wa ki jylla kam wow pynku ya ka kaam rep, i chait i khiah, puræ puthi wa kiwi kiwi ki kaam deiwa yarap poisa ka sorkar pyrdi.