Jowai: Ynne ka sngi ka Raij Ialong da pyndep ko ya ka lehniam Nohsakyriat kawa man kam chibynta ka leh kmen chwa wow hiar cha ki hali ki pynthor wow sdang ya ka rep ka riang.
Ha kani ka sngi u Pawan Kumar Joshi, uwa man kam u Secretary ka Jaintia Hills Cement Manufacturer Association (JHCMA) wa kam u Vice President ka Green Valley Cement da man u kam u kongsan hei emlang u Dolloi ka Elaka Jowai, u Puramon Kynjing, ki heh yong ki Seiñraij waphær waphær, wa kiwi kiwi.
Ka Nohsakyriat hanlada man ko kam ka lehkmen, man ko leh kam ka e ngooh ya blai ki syeim wow kyrkhu kyrdoh ya ki khon ka Raij yow bha u miat u kba wa ki soh ki pe.
U Pawan hei klam da e yaroh u ya ka Seiñraij Ialong wa da pynman wei da pynneh ko ya kani ka Nohsakyriat wei da kular u leh wow yaklam ha ki yalang ka seiñ JCMA wow e yarap cha ka Raij Ialong.
Ha ka Nohsakyriat ki kynthai da ki riam tynre da pynskit ya ki wah wah neiñ neiñ heipor wa dem ki ha sakyriat wa da tah na u dieñ kseh, da booh leh ya ka sakyriat wa khian neibynta ki khynnah kynthai.
Ka kani ka lehkmen u pteiñ ya ka mynstep da ka Chaad Sukra ka wow sdang nadooh chi waje i sngi.
Discussion about this post