Jowai: Kiwa ha yung ha sem kiwa khlaad da pynbaad ki ya ka train wa tyrrah yap ya 61 ngut ki bru wei da mynsoo hadooh 113 ngut ki bru wa yieñ yow pait yei thang ya u Ravan kam chibynta wow pynkut ya ka Dussehra ha Dhobi Ghat hajan Jaura Phatak, Amritsar ynnin i janmiet heipor kamwa 6:45.
Neiliang kiwa lait im da ong ki wa man u snem da leh ya ini ha kani ka jooh ka thaw wei ki paidbah da jooh yut jngai ki na i thaw thang ya u Ravan khamtam manda kyrooh i diñ wei manda sdang pdung ki bomkala wei manda wan ki train leh jooh wan ki wer wer tangwa ha kani ka kynti ka train da wan ko deiwa pynhær bha.
Boon na kiwa khlaad wa kiwa mynsoo toh kiwa sah chajan kani ka luti rel wei man ki leh kiwa dooh wa duk kiwa kreh mylla sngi.
Ki paidbah leh da ong ki wa heipor wa pdung ki bomkala ym em de sñiaw ki lada pynkieh horn ka train.
Ha kiwi ki snem da em bait kiwa pynbna wa da wan ka train tangwa ha uni u snem won ym em iyi iyi leh kam i tæ.
Ha kani ka miet da em chwa ka wi ka train wa wan nyngkong hanlada ym em i pynkieh horn tangwa da lai ko suki suki da yohlaad ki bru wow kyrriah cha rood tangwa kawa wan wa ar won na Jalandhar da wan ko syndet syndet wei pynhær bha ko.
Da pyntip leh wa ya ka Shivala Railway Crossing da wan ki paidbah wow tympiah tympra ka ynnin i miet wei da chah khyndang ki almari wei da tympiah ya ki yit wa kiwi.
U CM ka Punjab leh da phah pyllait u wut wut ya ka poisa wa T. 3 Klur (T.5 lak kawi ka manyung) yow su cha kiwa ha yung ha sem kiwa khlaad.
Da pyndam leh ya ki rel wow lai luti ki na i bynta Amritsar-Manawala, 10 tylli ki Mail Express Trains, 27 tylli ki Passenger Trains da pyndam chwa ya ki wei 16 tylli won da pynlai ya ki da kiwi tawon ki luti, 10 tylli ki Mail Express Trains wa 2 tylli ki Passenger Trains da pynkut ya ki khlem yoh ki u poi thaw wa 6 tylli ki Mail Express u sdang ki chakmat na ki chnong wa mut ki u sdang.
Ya ki Video yeini wa jia ye phi u pait deiwa click heini heini wa heini.
Discussion about this post