Jowai: Ka 8th Chatister Kharkongor Memorial Trophy 1st Division Football Tournament 2018 wa pynman da ka WJDSA da poi ko cha wa kut ynne ka sngi da ka yakhun Final hapyrdi ka Moosalyngkat waka Lumiawmuchai Shangpung.
Ka yalehke man ko kawa jem chiliang heiwa ka Moosalyngkat da jop suk da 6-0.
Ki kool ka Moosalyngkat da thap da u Octoborn Talang ha ka minit wa 24, u Edius Laloo ha ka minit wa 51, 67 wa 90+1, u Lalthakhuma Ngaite ha ka minit wa 65 wa u Bajanstar Rynjah ha ka minit wa 77.
Ha kani ka sngi da saam leh ya i naam Top Scorer cha u Edius Laloo uwa yalehke ka Moosalyngkat, yei naam Best Goalkeeper da yoh u Diogracious Rymbai ka Moosalyngkat wei da yoh u leh yei naam Player of the Tournament katwa yei naam Man of the Match won da yoh u Edius Laloo yong ka Moosalyngkat.
Kiwa jop da yoh ki T. 20,000 katwa kiwa rem da yoh ki T. 10,000.
Discussion about this post