15 49.0138 8.38624 1 0 4000 1 https://wyrta.com 300 0

Pynbaad u Ronnie wa saam poisa ki Montri, u Syiem heipor Election

1 Comment

Shillong: U MDC ka Mylliem u Ronnie V Lyngdoh da pynbaad u hapoh ka yung dorbar wa u syiem, wa ki montri ka Hima Mylliem emkti ki wow yalap Election wei wow saam poisa neibynta ki kyrtong pyrchah ya oo ha kani ka Election MDC wa dang dep.

U Ronnie da wanrah u ya kani ka phang hawa kylli ha ka dorbar mang tyngka ka Khasi Hills Autonomous District Council (KHADC) ynne ka sngi.

Da kam u leh wa ki montri wa u syiem da maham ki leh ya ki kattu katni ki Rangbah Shnong wa lada ym kyrchaan ki ya ki kyrtong yong ki, daw leh ki da ki kaam.

Neiliang u Ronnie da dawa u wa ka Council toh u chimkhia ki ya kini ki bru.

Hawa jubab yeini u Deputy Chief Executive Member ka Council, u Pyniaid Sing Syiem da ong u wa katkam ka United Khasi Jaiñtia Autonomous District Council, ka Appointment and Succession of Chiefs and Headmen Act da khang ko wow chimbynta kiwa synchaar Hima, Elaka, Lyngdoh ha ka kaam saiñ pyrthai (politics).

Neiliang u Pyniaid da ong u wa ka Executive Committee daw bichaar ko ya kani ka kaam.

Ha iwi iwa kylli u CEM ka KHADC u Teinwel Dkhar da ong u wa ka Council daw pyrchang ko wow chna ya ki laad ki luti wow mang poisa kyrpang wow yada u pynneh ya ki khloo khamtam ki yong ka Council. Da pynrap u leh wa dang chimkti wot u ya kani ka kaam wei daw puræ bniah wei daw thooh yutip bha hajrong kani ka kaam.

Advertisement ad1

1 Comment

  • March 25, 2019 at 3:10 pm
    Tressful Dkhar

    I want to know about the new post come here

    Reply

Leave a Reply