U MP ka Congress na Tura, u Saleng A. Sangma da pynsñiaw u yei sñiawkhia yeiwa sahkut ki laad yarap namo ki Scheme ka sorkar pyrdi heiwa da neh ki ha ki yung krehkaam sorkar donhi neibhah ki paidbah ymtip ki yei myntoi wa ye ki wow yoh.
U Saleng da ong u wa emkaam wow pynsñiawthooh paidbah ha ki kyrdan waphær waphær nadooh ki Block khnang wow tip ki paidbah yei myntoi wa ye ki u yoh wa ki kyndon wa kammon u leh ki.
Da kdaw u leh wa em ki kynti yoh myntoi ki paidbah na ki bru wa em hapyrdi kam ki dalal namo ki Middlemen kiwa chimkabu yei man i long deiwa paan ya ka bhah yong ki.
Chooh chooh da pynkynmoo u wa ha ki snem wa dadep hapoh ka Mawryngkneng Block uwa kreh sorkar da chah pynchitom u chipor neiwa pynemkaam bakla ya ka poisa.
U Saleng da ban joor u leh wa toh i kaamram ki Deputy Commissioner (DC) wow chimkhia yei kaam wei lada ki DC næ ki Block Development Officers (BDO) ym ye ki wow kreh, ki paidbah ye ki wow ujor cha ki bor wa toh u pait yeini deiwa pynrap leh wa hadooh katni ympu yoh u kawon kawon ka ujor na ki paidbah pyrchah ya ki sahep sorkar.
Discussion about this post