U President ka USA, u Donald Trump da pynbaad u ya ka India, Pakistan, China wa Afghanistan na ki 23 tylli ki ri wa lai luti i drugs næ i pynmih ya ki drugs katkam ka chithi wa phah cha ka Congress ha ka 15 tarik uni u bnai.
Katkam ka “Presidential Determination,” wa pyntikna da ka US State Department, da pynbaad wa kini ki ri man ki kiwa hakhlieh hei wow lai luti ki drugs wa i pynmih drugs.
Kini ki ri kynthup ki ya ka Bahamas, Belize, Bolivia, Burma, Colombia, Costa Rica, Dominican Republic, Ecuador, El Salvador, Guatemala, Haiti, Honduras, Jamaica, Laos, Mexico, Nicaragua, Panama, Peru wa Venezuela chirup wa ki ri na South wa East Asia.
Ka State Department da pynche ko wa kani ka thup ym mut i wa ki sorkar yong ki ym em leh pyrchah ki pyrchah ya i drugs tangwa ki san ri wa kynthup ya ka Afghanistan, Bolivia, Burma, Colombia wa Venezuela man ki ki ri wa da hiar bha heiyatoh i yakhun pyrchah ya i drugs.
U Trump da pynbaad u wa ka China toh ka ri wa pynmih boon bha ya i drug Fentanyl wei kawa pynmih won ya i Methamphetamine wa Nitazenes deiwa kyntu ya katai ka ri wow pynjoor yei yakhun pyrchah yeini.
Heiyatoh wa ka Afghanistan, u Trump da ong u wa hanla ka Taliban da khang ko ya i drugs tangwa i pynmih drugs dang joor i wow chalan cha baar ri heiwa ki dkhot ka Taliban myntoi bha ki neini.
Kani ka Presidential Determination ym em klam ko yei chah ktah ka America ha i drugs heiwa ki drugs kam ki Synthetic Opioids kam i Fentanyl wanrah i yei yap kiwa boon ngut ha ka ri kiwa em hapyrdi i rta wa 18 hadooh 44 snem.
Discussion about this post