U Deputy Commissioner uwa man leh kam u Chairman ka District Disaster Management Authority, East Jaiñtia Hills District da pyntip paidbah u wa ki yingkieñ ha tymbud u NH-6 Umkiang (Wahkoh) wa kiwi ki yingkieñ ha uni u sarokbah ha Lumshnong C&RD Block kiwa nadooh Sonapyrdi hadooh Malidor da sih ki wei da booh ki hei maa ya ki paidbah wa lai wa wan.
Kamtæ wow chngaaiñ i lai i wan ki paidbah wa ki kari wow lait na iwon iwon i jia wa sñiawsih da phah ya u Project Director, National Highway Authority of India (NHAI), Meghalaya, Shillong wow chna pynmiat ya kini ki yingkieñ.
Da pynbahkhlieh leh ha ka NHAI hapoh ka Section 34 (m) ka aiñ Disaster Management Act, 2005 lada jia iwon iwon neiwa leh ki deiwa ong leh wow pyndep smat yei pynchna.
Hajrong ini, da kyntu ya ki paidbah wow man kiwa syndong wei wow bood ya ki aiñ pynlai kari khamtam hawa lai na kini ki yingkieñ kat hadooh wa dep chna pynmiat ya ki.
Discussion about this post