U SDO ka Amlarem Civil Sub Division ynnin ka sngi da pynman u yaka yalang ha kamra krehkaam yong oo deiwa khutlang ya ki seiñ kiwa kamai kari wa em hapoh ka Sub-Division hei ya emlang leh u J. Shylla, EAC wa uwa e buit ka synjuk ki Waheh Chnong u Koleman Pohshna.
Ha kani ka sngi da phah ya kiwa kamai Sumo wow bood ki yaka dor sorkar wa da pynbna lyngba ka Notification No. TPT 91/80/749 kawa da pynmih haka 13-01-2020 heiwa da booh dor T. 2.05 chi khlieh chi kilometer. Wei deiwa kheiñ kamni, dapoi i bai kari T. 55-65 samen na Dawki-Amlarem wa Amlarem-Jowai.
Neiliang ki seiñ kiwa kamai Taxi da pynsñiaw ki leh yei sñiawkhia yei em ki kari ki bru samen kiwa kamai kari lang najrong wa em i pynbait wow kamai kari da ka Odd-Even neidaw wa boon ware ki kari. Da mynjur ki leh wow pynduna yei bai kari cha ka T. 90 samen na Dawki cha Amlarem wa na Amlarem cha Jowai deiwa kit bru soo ngut.
Da mynjur leh wow pynduna chooh chooh yaka bai kari lada emkaam.