Jowai: Ka Central Election Committee ka Bharatiya Janata Party da yachem lang ki hapoh u President ka BJP u Amit Shah yow pynbna kyrtong MP kamjooh ki MLA cha ka jylla Andhra Pradesh, Assam, Maharashtra, Meghalaya wa Odhisa.
Ha kani ka yalang da em leh u Prime Minister u Narendra Modi, u Rajnath Singh u Minister of Home Affairs, u Arun Jaitely u Minister of Finance, Corporate Affairs, ka Sushma Swaraj ka Minister of External Affairs, u Nitin Gadkari u Minister of Shipping, Road Transport and Highway, Water Resources, River Development and Ganga Rejuvenation deilang wa waroh ki dkot ka Central Election Committee ka BJP.
Hapoh ka jylla Meghalaya da pynbna ko ya u Sanbor Shullai kam u kyrtong MP na Shillong katwa haka Election MLA chiteiñ samoi na 48-Selsella (ST) da pynbna yei pyrtuid u Adorsho Sangma.
Ha ka thup wa ar ki kyrtong MLA ka jylla Odisha, ka BJP da pynbna pyrtuid ko sa 22 ngut.
Ha ka jylla Andhra Pradesh da pynbna ya ka thup wa ar ki kyrtong MLA kiwa em 51 ngut wa 23 ngut ki kyrtong MP.
Kiwi de ki kyrtong MP wa da pynbna toh uwi na Tezpur Constituency, 6 ngut na Maharashtra wa 5 ngut na Odhisa.
Discussion about this post