Ka Meghalaya Cricket Association da pynbna ko yei pyrtuid ki 15 ngut kiwa yalehke wa 5 ngut kiwa pynyang cha rood (Standby) ki wow chimbynta haka Vijay Hazare Trophy, kawa man kam ka BCCI Domestic One Day Tournament ki chynrang deiwa emlang leh u Guest Professional Player wa thymme u Tanmay Mishra.
U Tanmay toh uwa jooh yalehke yaka Royal Challengers Bangalore wa ki Deccan Chargers haka Indian Premier League wei da jooh em u leh hapoh ka liang ka Tripura. Chooh chooh jooh yalehke u leh ya ka Kenya kawa man ka ri wa heh san u.
Ka Meghalaya Cricket Association u ksoh ko leh ya kiwi ki arngut ki Guest Professional kiwa da dep mihkhmat ya ka jylla, kitæ u Rajesh Bishnoi wa u Nakul Verma.
Waroh ki 7 tylli ki yalehke ka Meghalaya u pynman ha Jaipur wei u emlang ki haka jooh ka dhab deilang wa ka Vidarbha, Chhattisgarh, Jharkhand, Maharashtra, Services, Manipur wa Hyderabad.
Kini kiwa yalehke ymtoh ki jooh kiwa mihkhmat ya ka Meghalaya haka Syed Mushtaq Ali Trophy T20 ini wa dep. Ha kani, da wan biang u Kishan Lyngdoh, u Dippu Ch Sangma deilang wa u Jaskirat Singh Sachdeva uwa daw yoh u sdang yalehke ha ki lympung ka BCCI Senior Level Tournament.
Kiwa yalehke, ki Coach wa kiwi wa yarap lait noh ki Standby daw mih ki ha kani ka 20 tarik yow lai cha Jaipur.
Kiwa yalehke ka Meghalaya: Akash Kumar Choudhary, Anish Charak, Bamanbha Shangpliang, Dippu Ch Sangma, Jaskirat Singh Sachdeva, Kishan Lyngdoh, Lerry G Sangma, Lakhan Singh, Md Nafees Siddique, Raj Biswa, Sanvert Kurkalang, Swarajeet Das, Nakul Verma, Rajesh Bishnoi, Tanmay Mishra
Ki Standby: Yogesh Tiwari, Wilco Marak, Robert Sangma, Arbin Singh, Rounak Nongrum
Support staff: Goutam Shome (head coach), Moisten Ch Marak (assistant coach), Surojit Biswas (physio), Vikash Singh Chauhan (trainer), OL Warjri (manager)
Fixtures:
vs Vidarbha, 23 November
vs Chhattisgarh, 25 November
vs Jharkhand, 27 November
vs Maharashtra, 29 November
vs Services, 1 December
vs Manipur, 3 December
vs Hyderabad, 5 December
Discussion about this post