Ka Dorbar Chnong Mihmyntdu kam chibynta yow wanrah yei chongsuk chongsaaiñ hapoh ka chnong ka thaw, kamjooh leh yei bha i miat ya kiwa boon walang kam chibynta u kdoh u khoom ya kiwa boon ki kaam pyrchah aiñ chnong wa ki aiñ sorkar ha ki kaam sih kaam sang, da pynbna ya kini ki kyndon ha wah:
Ym hoi de u wai dukan palat ya ka 10:00 waje i miet hapoh u pood u ang ka chnong, iwa mut waroh ki dukan hap ki u khang hachwa ka 10:00 waje i miet wei lada chem ya kiwon kiwon kiwa khang palat ya itai i por, neiliang ka chnong ye ko u pynchitom ya ki katkam ki kyndon yong ka aiñ.
Wym hoi u leh ya kiwon kiwon ki kaam kiwa man pyrchah ya ka aiñ hapoh u pood u ang ka chnong.
Wym hoi u tem sur deiwa pynheh ha ki kari næ ha yung bru heipor miet palat yei por 10:00 waje.
Wym hoi u thang jhep khamtam heipor miet neibhah i tdem wa mih neini ye i u ktah yei chait i khiah ki paidbah waroh.
Da kyrpaad ya waroh kiwa chong dukan wow sñiawbha phi u man kiwa ya krehlang khnang yow ye u wanrah yei bha i miat, i chnongsuk chong saaiñ hapoh ka chnong ka thaw.
Da maham leh ya waroh ki manyung mansem kamjooh ki dukan, ki kharkhna, ki yung krehkaam kiwa em hapoh u pood u ang ka chnong wym hoi u noh taroi phi yei jhep.
Lada chem ya kiwon kiwon kiwa leh pyrchah næ kiwa lai palat ya kini ki kyndon haneiñ, neiliang ka chnong ye ko u pynchitom næ wow lai da ka luti yong ka aiñ ya kiwa leh pyrchah.
Da pynkynmoo leh ya waroh kiwa chong wai ki wym pu dep u Submit lane chim Form wow sñiawbha phi u pyndep noh.
I pyntip na u General Secretary ka Dorbar Chnong Mihmyntdu, u Kner Phawa.
Discussion about this post