Ka sorkar India lyngba ka Ministry of Health & Family Welfare (MoHFW) da pynmih ko yaki kyndon namo ki Standard Operating Procedure yow yada nei poor u khñiang COVID-19 heipor wa pynman ya kiwon kiwon ki tamasa deiwa ong wa nadooh u Naichiphaw (Oct) hadooh u Kmaichonglad (Dec) toh ki bnai wa pynman ya kiwa boon ki yalang paidbah wow yalehkmen wei em ki por neh ki chi sngi hadooh chi tayaw.
Hawa pynman ya kiwon kiwon ki tamasa (Festivals, Fairs, Rallies, Exhibition, Cultural Function, Procession, Plays, Concerts) toh u pyntikna wa ki thaw toh kiwa ye u pynyajngai uwi na uwi, u em ki thaw wow thaw chit ya ki bru, ki thaw sait kti wa kiwi kiwi.
Ya kiwa em 65 snem chaneiñ, kiwa em chwa ki chitom, kiwa pynkhon wa ki khynnah toh u neh ki hapoh yung iwa kynthup leh ya kitu kiwa pynman yaka tamasa.
Lada ki tamasa neh ki boon sngi toh u pyrkhat leh yei por wa wan boon ki bru wei pynbiat yei rukom pynman ya ki tamasa.
Lada pynman yaki Rally, i lai pynngam um yaki Blai, ki bru wa ye u chimbynta ym toh wow boon ki palat yeiwa chah wei emkaam leh wow synran ki Ambulance yaki lada jngai i lai kjat.
Kam ha ki por wa booh yaki Puja Pandal toh u pyntikna wa ym khynnia bru wei wow yajngai uwi ya uwi deiwa booh dei por wa ye ki bru u psiah kajiak chisien. Toh leh u booh leh yaki Volunteer yow pyntikan wa bood yaki kyndon sorkar.
Lada hap wow chim Ticket, toh u booh boon tylli ki thaw dai Ticket kamjooh ki Poster lane kiwon kiwon ki laad wow e yutip yow yada na uni u khñiang.
Waroh ki kyndon man ki kamni ha wah:
