Pynbna ka sorkar hadooh 23 tylli ki bynta ka Shillong kam ki Containment Area

Shillong: Ka sorkar da pyntip ko wa neidaw wa chem  ya kiwa yoh COVID-19 na kini ki thaw ha Oakland Municipality Quarters, Rauf Ahmed Building, Keating Road, Jhalupara, Mawbah Barapathar, Mawlai Umjaiur, Mawlai Nongpdeng, Mawlai Mawtawar, Umshing Umjapung, Mawiong Rim, Central hadooh Lower Nongrim Hills na Lailad hadooh Bamon Service Station, Block D ka Nongrimmaw ki thaw wa kynthup na tidiang ka Arbuthnot Road nadooh Lailad hadooh Old DGAR), Lower Lummawrie (nadooh i yung u Dr. P.K. War hadooh Super Care Building warim), Lower Lachumiere (Hopkinson Road nadooh Stephen Hall hadooh Gold Gym), Demseiniong (Assam Rifles Signal Unit), Nongrah Dongktieh, Malki Nongshiliang, Malki Chinapatty, Nongmensong Lumkdait, Lumshyiap Nongmensong, Laitkor Pyllun wa Kreit Mawshaton kiwa man leh kini ki thaw wa em ki bru hei maa (High Risk) wa kiwa ym em hei maa (Low Risk Contact) kiwa yachem wa kiwa yoh COVID-19 wei neidaw wa emkaam wow booddien ya ki bru ha kini ki thaw kamjooh yow lait ki u yoh wow mih iwa ye wow pynpoor yei roi uni u khñiang, kamjooh yow ye u pyndep wow leh ya ki Test, Contact Tracing, Quarantine, Isolation deiwa pyrkhat leh yei bha i miat yong ki paidbah yow yada na u COVID-19, ka District Magistrate, East Khasi Hills District da pynmih hukum ko haka 24^th July, 2020 yow pynbna ya kitai ki thaw haneiñ kam ki Containment Areas deiwa khang yei psiah i mih cha kini ki thaw khlem da yoh bor.

Kani ka hukum da ong ko leh wa ym chah ya kiwon kiwon ki bru paidbah wow psiah cha kini ki thaw wa man kam ki Containment Area, kamjooh kiwa chong wa sah ha kini ki thaw toh u neh bait ki hapoh yung.

Da khang leh wow pynman ya kiwon kiwon ki jait yalang paidbah, niam wa kiwon kiwon ki khayi pateiñ.

Waroh ki jait dukan toh u man ki kiwa khang, heiwa ka sorkar daw pynbiang ko ya ki mar wa emkaam lyngba ki bor District.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Waroh ki thaw krehkaam yong ka sorkar kamjooh ki yong ki bru samen u man ki kiwa khang hadooh wa pynmih hukum da kamwi.

Katkam wa ong kani ka hukum, ki Incident Commanders u man ki ki Supervising Officers kini ki Containment Area katwa u Block Development Officer ka Mawphlang C&RD Block u man u kam u Supervising Officer ka Kreit Mawshaton.

Kani ka hukum ym krehkaam ko ya ki Health Worker wa Essential Worker ka Shillong Municipal Board.

Ya kiwa tyngkheiñ ya kani ka hukum daw pynchitom katkam ka Disaster Management Act, 2005 wa IPC.