U MLA ka Nartiang Constituency u Sniawbhalang Dhar da pynsñiaw u yei kyrchaan wei da e khublei kyrpang u ya u MLA ka Jowai u Wailadmiki Shylla yei wanrah u hakhmat ka sorkar wow dawa u pynkylla dur yaka chnong Jowai kam ka Smart Town.
U Sniawbhalang da ong u wa u Wailad kam u MLA toh i kamram yong oo wow wanrah ya ini waroh ha khmat ka sorkar wei daw chong pyrkhat lang wa ki bor District, ki bor chnong yow chim yaka rai neibhah ka chnong Jowai toh kawa da chah ieh mylliñ da slem.
Hawa kylli, da ong u wa da antaad wa daw lut hadooh T. 100 Klur wow leh ya ini wa kynthup yei pynmiat yaka chnong ka thaw, u pynmiat ya ki sarok, u booh ya ki CCTV, i thaw pynyieñ kari wa biang wa kiwi kiwi wei da kyntu u leh ya u montri rangbah ka jylla u Conrad Sangma wow kyrchaan u ya ini i pynkylla dur ya ka chnong Jowai.
Kam wow pynkynmoo wa ynnin, u Wailad da lai e u dei thoh ha u Conrad yow pynkylla ya ka chnong Jowai cha ka Smart Town.
