Ka sorkar Meghalaya lyngba ka chnat Health & Family Welfare Department da pynmih hukum biang ko ynne ka 10 tarik yow pynbna ya ki kyndon Standard Operating Procedures (SOP) deiwa pyrkhat ya u Omicron.
Heiyatoh wa i leh Test ha ki Entry Point/khappood
U pteiñ wow leh ya ki Test ya waroh wa psiah chapoh ka jylla hanla dadep yoh tika waroh arsien leh neibynta katni hadooh wa pynmih hukum da kamwi.
Waroh kiwa psiah chapoh ka jylla wa kynthup ya kiwa da yoh tika waroh arsien hap ki wow pynyoo ya ka Negative RT-PCR Report wei lada ym em ya kani daw hap ki wow leh ya ka RT-PCR Test. Lada em ki ya ka Negative RT-PCR Report toh u man ko kawa da leh 72 kynta chwa wow poi ha ka Entry Point.
Ki khynnah wa hapoh 15 snem daw pynlait ki nei chah Test ha ki Entry Point lada ym em ki ya ki dak ki chin wa chitom.
Kitu kiwa chah Test hap ki wow chong kset samen hei thaw sah hadooh wa yoh ya ka Report.
I Test ha ki Hospital
Daw Test du ya kitu kiwa em ki dak ki chin wa chitom katwa kitu ki wym em chitom ym hap ki wow chah Test lait noh wa phah da ki Doctor.
Ki khynnah wa em hapoh 15 snem ym emkaam wow Test ya ki lada ym em ki yei dak i chin wa chitom.
Ya kiwa da tymmen wei kiwa da em chwa i chitom hap wow chimkhia bha ya ki lada em ki ya ki dak ki chin wa chitom khamtam hadien wa Test toh kiwa yoh ya u khñiang khlam.
I leh Quarantine
Kiwa yoh ya u COVID-19 hap ki wow chongkset 7 sngi nadooh wa yoh ki ya ka Result wa chah ktah wei ym toh wow em ki yei iñ doh 3 sngi chwa wow yoh ki u mih.
Kiwa chongkset ki wym pu em yoh tika lada ym chait ki hadien 5 sngi hap ki wow lai chei thaw sumaar.
Kitu won ki wym em dak i chin wa chitom wei kiwa yachem wa kiwa yoh COVID-19 hap ki wow chongkset 5 sngi wei hap ki wow deiñ Mask manda em lang ki chajan kiwi sa san 5 sngi.
Kitu kiwa leh Quarantine lane i chongkset ym emkaam ki ya ka Discharge Certificate lada chongkset ki ha yung hi. Lada emkaam ki ya ka Discharge Certificate ye ki wow lai paan na ki thaw sumaar sorkar.
