15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynbna ka sorkar pyrdi ya ki kyndon e dawai yada na u COVID-19

Advertisement ad1

Ka sorkar pyrdi da pynmih ko ya ki kyndon wow e dawai yada na u COVID-19 deiwa Inject ya 100-200 ngut ki bru haka chi sngi ha ki thaw e dawai wa em hapoh ki jylla deiwa phah yang ya ki chiteiñ kynta manda dep Inject yow pyntikna wa ym em chah ktah ki da i wym poi pyrkhat.

Ki kyndon kiwa da booh ha 113 sla wa e pyrtuid kam ka “COVID-19 Vaccines Operational Guidelines” da phah cha ki jylla heiwa daw pynemkaam da ka Covid Vaccine Intelligence Network (Co-WIN) yow booddien kamwa jia heipor wa jia ya kitu kiwa yoh ya i dawai Vaccine.

Ini da leh hadien wa ki 3 tylli ki Company wa chna ya ini i dawai Vaccine kitæ ka Bharat Biotech, Serum Institute of India waka Pfizer da paan bor ki wow pynemkaam ya jar jiar i Vaccine yong ki.

Ka sorkar pyrdi da kdaw ko wa ki wakreh hei chait i khiah, kiwa em hakhmat dooh wow yaleh pyrchah yaka khlam, kiwa em 50 snem chaneiñ wa kitu kiwa em chwa ki chitom kiwa da em waroh kamwa 30 klur ngut da jied wow yoh chwa ki ya ini i dawai.

Katkam wa da thoh ha kini ki kyndon, ha ki thaw e Vaccine, du kiwa da dep chwa wow em pytruid namo ki Pre-registered Beneficiaries daw chah wow yoh ki ya ini i dawai wei ym chah wow wan Register ha ini thaw e dawai.

Ya ki jylla da phah ya ki wow jied iwi i jait dawai wa pynmih da kawi ka Company neibynta kawi ka District yow leh u yakhleh ki dawai manda pynemkaam ya ki.

Ym toh leh wow yoh ka sngi ki ini i dawai wei toh u booh bait hapoh ka tadong wa da song ya ki.

Kiwa e dawai toh u kynthup ki ya u/ka Vaccinator Officer, Doctor (MBBS/BDS), Staff Nurse, Pharmacist wa kiwi kiwa yarap. Toh u em leh uwi u pulit, Home Guard, Civil Defence, NCC, NSS, NYK, ki wow pyntikna wa kiwa wan chim dawai toh kiwa em pyrtuid.

Yei pyrtuid wa i rta kiwa yoh myntoi daw jied naka Electoral Roll.

Share this:
Previous

E bor u DM ka East Garo Hills wow wai ki yaw haka sngi Bibar

Next

Haka 21 tarik u wai yaka khyrdop ha Umling, Ri Bhoi