Ka sorkar India lyngba ka Ministry of Health & Family Welfare, ynne ka 10 tarik da pynmih ko yaki kyndon heiyatoh wa i pynman yaki Exam yow lait u poor u khñiang COVID-19.
Da chah wow pynman ya ki Exam da ki University kamjooh kiwi ki thaw puræ kiwa da yoh bor deiwa pyntikna wa ki Exam Centre toh kiwa em cha baar ka Containment Zone wei ym toh wow pynman ya ki Exam ha i jooh i por yow lait na i khynnia.
Toh u pyntikna leh wa da booh yaki thaw wow sait-kti kamjooh wow bood ya waroh ki laad yada na uni u khñiang.
Toh u booh leh yaki bru yow pyntikna wa bood yaka Social Distancing kamjooh wa da deiñ yaki Mask wei ya kiwa yang Exam toh u e sikai yaki yow tip ki yaki kyndon yada na u COVID-19.
Toh u booh leh kam ki Poster kiwa khana yaki laad yada ha kylleiñ ki thaw pynman Exam wei ki thaw yaleh Exam toh u booh ki leh ya i thaw wow pynchong samen samen ya kiwon kiwon kiwa em yaki dak wa chitom.
Lada wa pynemkaam da ki Bus wow kit ya kiwa lai yaleh Exam ya kini leh toh u pynkhooid bha.
Ha ki thaw psiah toh u booh leh ya i thaw wow thaw chit wei du kiwa chait u chah wow psiah ki chapoh ka thaw yaleh Exam.
Ya ki wakreh kiwa da heh rta, kiwa pynkhon lane kiwa em kjut ym toh wow chah yaki heipor wa pynman Exam deiwa phah yang Exam lane u pynman Exam.
Toh u pynkhooid bha ya ki kti chwa wow saam ya ki thup kylli wei toh u wai yaki thup kylli hadien 72 kynta wa poi ki.
Ym toh wow pynemkaam yei mynthu hawa saam ya ki thup kylli wei ym toh wow pynemkaam lang yaki tiar ki tar wa da wanrah.
Ya waroh ki kyndon ye phi wow yoh heini.
